إعدام البرادعى والموقعين على بيانه



فى جلسة مجلس الشعب المرتقبه اللى بيجهزلها البرادعى واللى هايقدم فيها توكيلات الشعب وتوقيعاتهم على بيانه.


ياخوخى يحصل السيناريو ده:

(بعد ساعتين متواصلتين من تقديم البرادعى لمستنداته وإلقاء كلمته للدفاع عن حقوق الشعب المصرى واللازى منه)


يطل علينا فتحى سرور من "بلاكونته" ممسكاً بالتوقيعات قائلاً:
بعد الإطلاع على المستندات المقدمه من السيد "البردعاوى"
صوت ينادى (مقاطعاً) : "البرادعى" ياريس.
سرور: بعد الإطلاع على المستندات المقدمه من السيد البرادعى والفحص والتمحيص توصل المجلس إلى التالى:


أقر المجلس بأن هذه التوقيعات غير قانونيه وغير دستوريه وغير شرعيه وغير "وطنيه" وحاجه آخر مهلبيه.
ومن ثم ومن حيث أن ومن إذ ربما فإنها لا تتطابق مع الماده الـ  767676767676 من دستور جنوب أفريقيا لعام 1876 ق.م.
وأيضاً تخالف نصوص قانون العقوبات فى "أثيوبيا" وقانون الطوارئ فى "جزر القمر"
وأيضاً تتنافى مع قواعد دستور الإتحاد السوفيتى قبل تفككه.


ومن ثم ومن حيث أن ومن كل حاجه ولذلك ولكل هاتيك المعالى
تقرر سحب ملكية التوقيعات من البرادعى و تحويلها لصالح الرئيس الحالى والتالى, الغالى ابن الغالى
وإعدام البرادعى والموقعين على بيانه.


الموافق واللى هايبصم بالعشرين يتفضل برفع يده ......... موافقه.
والموافق على إغلاق باب المناقشه يتفضل بإخراج لسانه للبرادعى ........ موافقه.


يسقط البرادعى على الأرض ....... ويهتف الإخوان والمستقلون "لا للطوارئ".


ثم يسدل الستار.

7 Response to إعدام البرادعى والموقعين على بيانه

  1. نادر says:

    http://www.shorouknews.com/ContentData.aspx?id=269612

  2. نادر says:

    http://youm7.com/News.asp?NewsID=261772

  3. District of Columbia IV - VII - MMXII says:

    موضوع جميل و يضحك على الهم اللى يبكى

  4. نادر says:

    بالظبط كده ... وشكراً جزيلاً ليك :)

  5. shadi says:

    أنا شايف يلي كاتبين اعدام البرادعي راح ينعدموا وهو يلي راح يعدمهم....

  6. محمد وحيد says:

    أفكارك جديدة
    عبارات ممتعة
    انت فنان موهوب

  7. نادر says:

    أيوه ياأستاذ شادى احنا طبعاً مع البرادعى بس بنناقش الموضوع بشوية سخريه
    :) :)
    ....................................
    الله يعزك ياحاج محمد ..... ونورت المدهوله
    :) :)