منوعات
1- أنا لسه ماخلصتش!!!
كنت راكب الأتوبيس ف مرة
وشوفت واحد قاعد ع الكرسى وبيقرا الجرنال
عادى يعنى مافيهاش أى حاجة
كان فيه بقى واحد واقف جنبى
تقولش مخبر؟؟
ضارب عينه ف الجرنال من أول ماركب
كإنه بيشبه عليه
المهم الراجل بعد ماخلص قراية الجرنال بتاعه
وأحب أأكد هنا إن الجرنال كان "بتاعه"
راح مطبقه علشان يشيله برضو عادى يعنى مافيهاش حاجة
راح الراجل "المرشد" ده مسكه من ايديه وقاله (بلهجة عجيبة كده كأن فيها تهديد): هاتعمل ايه؟؟
قاله (وهو مستغرب جداً): هاشيل الجرنال
المرشد: ليه؟؟
قاله: خلصت
المرشد:أنا لسه ماخلصتش!!!
* * * * *
2- عشان انت قد أبويا!!!
ف مرة كنت ماشى ف الشارع ... فى الشارع ... فى الشارع
شوفت ناس ملمومين كده كإن فيه خناقة
قربت
بصيت لقيت
شاب كده ف العشرينات عمال يهزأ ويبستف ف راجل كبير قد جدته
ويقوله ياراجل ياناقص ياللى ماعندكش دم
وربنا لولا ان انت قد أبويا لكنت وريتك شغلك
ياراجل ياشايب ياعايب .. مش عيب عليك
وربنا أنا بس محترمك عشان خاطر الناس دى
وحياة أمى لابهدلك واعرفك قيمتك ياتيت يابن الترابتيت
إنما أنا محترمك بس عشان إنت راجل كبير
* * * * *
خد التقيلة بقى
3- عمل وطنى "جليل" ............ الأدب
لقد ظن بعض الظنانون ........ وشك بعض الشكاكون
أن ماحدث فى حفلة حماقى فى جامعة عين شمس بتاريخ 6 أبريل 2010
والعياذ بالله "تحرش"
ولكنهم قد أخطئوا وظلموا "البنية" ياعينى
لأنه - وعلى عكس زعمهم - قد قدم لطلاب الجامعة عملاً جليلاً يحسب له
فهو - بما فعل - قد قرب المسافات بين الطلاب (قربها ... قربها خالص ... قربها قوى ... قربها ع الآخر)
وأيضاً قام بإزالة الفوارق بينهم (أزالها .. أزالها خالص .. أزالها قوى ...... أزالها ع الآخر)
* * * * *
4- حرام عليكى!!
ولأنها متعودة تبص ع الإتجاه اللى العربيات بتيجى منه
بصت زى كل مرة
كله تمام
مافيش عربيات
قررت تعدى (وياريتها ماقررت)
...
...
...
يقوم يجيلك واحد بعربيته عكس الإتجاه
وسايق بأقصى سرعة
...
وبعدين
...
...
أوف
...
منظر شنيع
...
...
البنت اتشقلبت فى الهوا مرتين
ونزلت مزروعة ف الأرض
.....
....
أى
....
وقف بسرعة
ونزل من العربية
وجرى ناحية البنت بلهفة
وحاول يقومها(والبنت ف دنيا تانية)
وقالها (وهو بيصرخ):
حرام عليكى
حد يعدى كده؟؟؟
ماعلموكيش ف البيت تبصى يمين وشمال
ياللا قومى روحى حسبى الله ونعم الوكيل فيكى
* * * * *
ب تاريخ الحادى عشر من ابريل اكتب التعليق الى العسل نادر و بقوله ممتع و كوميدى كمان يا معلم عايزين شوية نكت بقا و ب تاريخ الرابع من يوليو نشوف ايه اللى هيحصل مع الواد واشنطن
اسلام
ب تاريخ الثانى عشر من أبريل أرد عليك ياإسلام وأقولك:
بجد نورت المدونة ورأيك ده يهمنى جداً جداً
وبتاريخ كل يوم أقولك الهى يحرق واشنطن ده هو وأهله (: