تمرين للرقبة



النهاردة بقى جايبلكوا فكرة تمرين للرقبة إنما ايه .... جامد جداً وعن تجربة
 
كل اللى محتاجينله علشان التمرين يكتمل ...... تلفزيون بيعرض القنوات الأرضية
هو يفضل يكون فيه قنوات فضائية ....... لكن أعتقد القنوات الأرضية هاتقوم بالواجب وزيادة

 
أول حاجة تعملها إنك تقعد قدام التلفزيون مباشرة وعلى بركة الله نبتدى التمرين



تفتح التلفزيون وتبتدى بالقناة "الأولى"
هاتلاقى فيلم عربى شغال
هاتيجى لقطة موش تمام ... لقطة موش ولابد ... لقطة للكبار فقط
تقوم باصص بسرعة ناحية اليمين (بما إنك شخص محترم وعندك أخلاق وبتتأذى من الحاجات دى)
بعديها بلحظات ترجع لوضع الإرتكاز
وبعدين تغير القناة وتجيب "التانية"
فيلم أجنبى شغال
أوبا
أحمال التمرين ابتدت تزيد
أول ماتشوف المنظر البذئ إياه
هاتلتفت بقوة ناحية الشمال
بعدها
تغير القناة وتجيب "نايل سينما"
التمرين دلوقتى فى أقصى مراحله
والسر فى الـ "بروموهات"
وكمان احتمال كبير تشوف فيلم لـ "إيناس الدغيدى" أو "خالد يوسف" يعنى كبار خبراء تليين رقاب المشاهدين
وعلى قدر قوة وبذاءة وقذارة وسفالة المشهد اللى هاتشوفه هاتكون قوة التفاتك على الجانبين
بعد كده تغير وتجيب قناة "نايل لايف"
اللى هاتكون بتعرض كليب لـ "الهايفة" أو لـ "روبه"
خلى بالك هنا وأدى التمرين بحرص
لأن رقبتك ممكن تتلوح من اللى هاتشوفه
وتستطيع إنك تكمل بقى ف بقية القنوات
واللى عاوز أقصى استفادة من التمرين عليه بالإستعانة بالقنوات الفضائحية قصدى الفضائية
هاتساعد كتيييير فى إتمام التمرين


 
جزيل الشكر لكل خبراء تليين رقاب المتفرجين لتعاونهم المثمر معنا :)

2 Response to تمرين للرقبة

  1. غير معرف says:

    هههههههههههههه
    جامد جدا الموضوع
    شكرا ليك

  2. نادر says:

    إنت أجمد ....العفو ليك (: