هنا نادر: ** My Name is Khan **

My Name is Khan

"My Name is Khan" ...... فيلم لذيذ وجنان :)

...

كنت أتمنى تكون الفكرة عربي :( ........ وإنتاج وتمثيل وإخراج عربي بس معلش خير :)

المهم إنه فيلم روعه بجد .... تحفة من هنا لحد نهاية الفيلم

******

عم خان وزمايله ومخرج الفيلم قدروا يتحكموا ف مشاعري ع الآخر

مرة " بُكا " ومرة " ضحك " ومرة " غُنا " ومرة كل ده مع بعضه

قدروا يناقشوا قضية التعصب ضد الإسلام بشكل مختلف تماماً

شكل حلو بجد وموضوعي كمان

شخصيات الفيلم كلها تتحط ف براويز

الست " أم رضوان " و " مانديرا " و " ماما جيني " و " ماما ريس " .... حتى الواد " ريس " نفسه :D

الفيلم وإنت بتشوف نهاية كل مشهد فيه تحس إن ده المشهد الأخير من كتر التشويق اللي فيه

شفتوا لما أخو خان قال للواد خان ياض يا خان يا أخويا

البت اللي إنت عاوز تتجوزها دي هندوسية موش مسلمة زيينا

رد عليه خان وقال : " اللي أعرفه إن البشر نوعين بس ... أخيار أو أشرار "

وده اللي علمتهوله أمه في بداية الفيلم

بصراحه شاروخان ده ابن مبدعه (في الفيلم و في الحقيقة)