هنا نادر: جيت متأخر

جيت متأخر

كان فيه حد بيحب حد تانى

بيحبه قوى

جداً

خالص

كانوا اصحاب قوى

بس حصلت بينهم مشكله

فبعدوا

الحد الأولانى

كان زعلان من نفسه قوى

وبيقول ماكانش لازم ابعد

ولا اسيبه

كان ممكن نحل مشاكلنا بالمواجهه

بس كان فى صوت جواه بيقول استنى يمكن هو اللى ييجى

ويقولك سامحنى
وتتأكد من حبه ليك

عاوز يروح يصالحه

وفى صوت جواه بيقوله أجلها

لحد ماجه يوم وسمع بخبر وفاة الحد التانى

فضل يلوم نفسه ويبكى بحرقه

انه ضيع الوقت

وماقلش لصاحبه انه كان بيحبه قوى

وانه ماكانش زعلان منه ولا حاجة

واتمنى ان الزمن يرجع بيه لورا

لكن ياخسارة فاق متأخر